Tákn

TÁKN

„Þegar við völdum táknin vildum við að þau endurspegluðu saman litróf tilfinninga og atburða sem óhjákvæmilega eiga sér stað á mannsævi.“
Við löðumst að táknum vegna þess að þau eru tilfinningalegt tungumál án orða. Þau eru verkfæri til að skilja og túlka góðar og slæmar tilfinningar og geta virkað sem aðgengilegt tungumál til að leysa úr erfiðleikum og sorgum.

SVERÐIÐ / THE SWORD
Sverðið getur táknar styrk og hugrekki en getur einnig staðið fyrir sársauka og átökum.

TUNGLIÐ / THE MOON
Tunglið er ljósið í myrkrinu og sveipt dulúð. Tunglið táknar tilfinningar og innsæi.

SÓLIN / THE SUN
Sólin er lífið sjálft, hamingjan og vonin.

EILÍFÐIN / ETERNITY
Eilífð er hugtak sem tekur okkur útfyrir mörk okkar vitundar. Án upphafs og án enda minnir það okkur á að dauðinn er hluti lífsins og að við erum hluti af hringrás. Við elskum inn í eilífðina og vináttubönd vara endalaust.

HJARTAÐ / THE HEART
Hjartað er eitt þekktasta tákn í heiminum og tengjum við það flest við ástina og umhyggju.
Hjartað er miðpunktur vitundar okkar og getur þannig táknað sálina eða okkar innri kjarna.

AUGAÐ / THE EYE
Augað sér og hefur því í sumum menningarheimum fest sig í sessi sem tákn verndar. Að sjá er
einnig að skilja og að greina og því getur augað einnig táknað æðri skilning og það að sjá
sannleikan.
Tárið er fylgifiskur augans og í sinni einföldustu merkingu táknar það sorgina. En grátandi auga
endurspeglar einnig samúð og meðvitund um þjáninguna.